නොසිතූ විලසින් පායා අවුදින්
ගනඳුරු අහසේ ඈත කොනේ
නිදිබර මා සිත පුබුදාලා
නුපුරුදු රහසක් කොඳුරාලා
ජීවිතයට නව අරුතක් ගෙන දුන් තාරුකාවියේ
ඔබ නැත මට හිමි, ඒ බව දන්නෙමි
මේ සුන්දර රැය නිමා නොවේවා තාරුකාවියේ
හිරු නැති අහසේ, සඳු නැති දවසේ
මගේ මගේ පුංචි ලොව එළිය කළා සේ
පසන් එළිය දස අත පතුරා
සිසිල් පවන දස අත විහිදා
මේ මුළු ලෝකෙම සුවපත් කළ මැන තාරුකාවියේ
කවදාවත් යළි, මා තනිකර මෙහි
නොම සැඟවෙනු මැන අවරගිරේ තාරුකාවියේ
-රසික සූරියආරච්චි
මේ පදමාලාවට තනුවක් සහ සංගිතය යෙදා ගායනා කිරීමට කැමති ගායකයෙකු/ගායිකාවක හෝ එසේ සැකසීමට කැමති සංගීතඥයෙකු සිටී නම් කරුණාකර මට පණිවිඩයක් එවන්න. ස්තුතියි.
rasika.suriyaarachchi@gmail.com
Image by Anastasia Gepp from Pixabay
No comments:
Post a Comment
ඔබේ ප්‍රතිචාරය අගේ කොට සළකමි!