සුන්දර පින්බර උදෑසනක දී
ඔබේ සොඳුරු වත මා නෙත ගැටුණා
ප්‍රිය ළඳුනේ, ප්‍රිය ළඳුනේ
නිල්මිණි පරදන නෙත් සඟලේ
කාන්තියට මා වශී වුණා දෝ
ඔබෙ නෙත් මා නෙත් මුණ ගැසුණා
ප්‍රිය ළඳුනේ, ප්‍රිය ළඳුනේ
ජීවන කතරේ සිතුවිලි අසු පිට
මා සෙව් කෙම් බිම ආදරයේ
ඔබේ දෙනෙත් තුළ මා දුටුවා
ප්‍රිය ළඳුනේ, ප්‍රිය ළඳුනේ
පහන් තරුව වුණි ඔබ මගෙ ලෝකේ
සහන් එළිය හදවතට උදා කළ
ඔබෙ දෙනෙතින් මා ජීවය ලැබුවා
ප්‍රිය ළඳුනේ, ප්‍රිය ළඳුනේ
මගේ ලොවේ ආදර රජ දහනේ
ඔබත් මමත් පමණක් සිටිනා
ඔටුනු පැලැන්දූ රැජිනිය ඔබ වේ
ප්‍රිය ළඳුනේ, ප්‍රිය ළඳුනේ
රසික සූරියආරච්චි, 2020
මේ පදමාලාවට තනුවක් සහ සංගිතය යෙදා ගායනා කිරීමට කැමති ගායකයෙකු/ගායිකාවක හෝ එසේ සැකසීමට කැමති සංගීතඥයෙකු සිටී නම් කරුණාකර මට පණිවිඩයක් එවන්න. ස්තුතියි.
rasika.suriyaarachchi@gmail.com
Image by ambroo from Pixabay
No comments:
Post a Comment
ඔබේ ප්‍රතිචාරය අගේ කොට සළකමි!