නිසල විල මත පිපිලා, සුවඳ පතුරන දසතේ
සුදු නෙළුම ඔබ වේ සොඳුරේ පැතූ සංසාරේ
දෙනෙත පින් කර ඇත්තේ, මා
දෙනෙත පින් කර ඇත්තේ
මඩෙන් ඉපදී, දියෙන් මතු වී
සුමුදු පෙති විහිදා ලා
ඉන්ද්‍රඛීලය සේ නැගී
සිනා විහිදන්නේ
ඔබ ලොව ම පුබුදන්නේ
සෙමෙන් මසිතේ, හැඟුම් ඉපිදේ
මහද දොර වසලා, මා
රැක්ක සීලය යයි බිඳී
අනේ සුදු නෙළුමේ
මගෙ සෙනේ පිළිගන්නේ
© රසික සූරියආරච්චි, 2023
මේ පදමාලාවට තනුවක් සහ සංගීතය යොදා ගායනා කිරීමට කැමති ගායකයෙකු/ගායිකාවක හෝ එසේ සැකසීමට කැමති සංගීතඥයෙකු සිටී නම් කරුණාකර මට පණිවිඩයක් එවන්න. ස්තුතියි.
rasika.suriyaarachchi@gmail.com
Image by Charlie Yoon from Pixabay
No comments:
Post a Comment
ඔබේ ප්‍රතිචාරය අගේ කොට සළකමි!