නිසල සිත් විල මගෙ සසල කළ
කියන් ඔබ කවුරු දෝ
පිපුණු නෙළුමක සුවඳ විහිදන
කියන් ඔබ කවුරු දෝ
මගේ සිත වෙත ඇවිත් රහසේ
මුකුළු කරමින්නේ
සඳක් විලසින් සිනාසෙන්නේ
නුහුරු නුපුරුදු හැඟුම් ගොන්නක්,
නේක සිතුවිලි, සිතේ පුරවන්නේ
ඔබේ රුව දැක නොදැක්කා සේ
ඉන්න මට නොහැකේ
ඇයි ද මා හද කෝල වෙන්නේ
ඔබ සමග වදනක් දොඩන්නට
කෝඩු මගෙ සිත, නැතේ ඉඩ දෙන්නේ
රසික සූරියආරච්චි, 2023
මේ පදමාලාවට තනුවක් සහ සංගීතය යොදා ගායනා කිරීමට කැමති ගායකයෙකු/ගායිකාවක හෝ එසේ සැකසීමට කැමති සංගීතඥයෙකු සිටී නම් කරුණාකර මට පණිවිඩයක් එවන්න. ස්තුතියි.
rasika.suriyaarachchi@gmail.com
Image by andrew kim from Pixabay
No comments:
Post a Comment
ඔබේ ප්‍රතිචාරය අගේ කොට සළකමි!