මට ජීවය දුන් ඔබ සුන්දර නෙත්
පබඳිමි කවි දස දහසක් ඔබ ගැන
මා කවියෙකු වූවා නම්
මා හද අරණේ පහන් තරුව ඔබ
මා සිත එළිකළ රුවන් පහන ඔබ
ගයනෙමි ගී දස දහසක් ඔබ ගැන
ගායකයෙකු වූවා නම්
සියුමැලි ඔබ වත, සුසිනිදු තොල් පෙති
ඒ මත විසිරුණු සිනහව සුන්දර
අඳිනෙමි ඔබෙ පියකරු රුව සැම තැන
චිත්‍ර ශිල්පියෙකු වූවා නම්
ගායකයෙකු හෝ කවියෙකු හෝ මා
නොවෙමි සිත්තරෙකු හෝ කුමරියනේ
එනමුදු ඔබ ගැන දහසක් රසවත්
සිහින මවන්නෙමි අසරණ මා
රසික සූරියආරච්චි, 2020
මේ පදමාලාවට තනුවක් සහ සංගිතය යෙදා ගායනා කිරීමට කැමති ගායකයෙකු/ගායිකාවක හෝ එසේ සැකසීමට කැමති සංගීතඥයෙකු සිටී නම් කරුණාකර මට පණිවිඩයක් එවන්න. ස්තුතියි.
rasika.suriyaarachchi@gmail.com
Image by S. Hermann & F. Richter from Pixabay
No comments:
Post a Comment
ඔබේ ප්‍රතිචාරය අගේ කොට සළකමි!