මල්වත්තේ ඈත කොනේ ඔවුන් හමුවුණා
ඔහුගෙ හදේ හද පතුලේ මෙතුවක් කල් සැඟවී සිටි
ආදරයේ රස ගීතය ඇයට පැවසුණා
ඇගේ කනට සෙමින් ඇසුණු ඔහුගේ ඒ පුංචි රහස
ඇගේ සිතේ ආදර බර හැඟුම් ඇති කළා
ඔහුත් සමඟ අත්වැල් බැඳ ප්‍රේම පාරාදීසය වෙත
පිය නගන්න ආශාවක් හිතේ මතු වුණා
ඒ සිතුවිල්ලක් සමගම ඇගේ මුවින් කෙමෙන් කෙමෙන්
ආදරබර වදන් වැලක් සෙමින් මිමිනුණා
යොවුන් වියේ නැවුම් බවින් පිරී ගොසින් මුසපත් වුණු
තව දෙහදක් ආදරයෙන් එසේ එක් වුණා
රසික සූරියආරච්චි, 2020
මේ පදමාලාවට තනුවක් සහ සංගිතය යෙදා ගායනා කිරීමට කැමති ගායකයෙකු/ගායිකාවක හෝ එසේ සැකසීමට කැමති සංගීතඥයෙකු සිටී නම් කරුණාකර මට පණිවිඩයක් එවන්න. ස්තුතියි.
rasika.suriyaarachchi@gmail.com
Image by Susan Cipriano from Pixabay
No comments:
Post a Comment
ඔබේ ප්‍රතිචාරය අගේ කොට සළකමි!