ලා හිරු රැස් කැරලි කැරලි
මල් ගොමුවට දිව එනවා
හිරු එළියෙන් ඒ හැම මල් සුවඳ හමා පිබිදෙනවා
අරුණැල්ලේ, අරුණැල්ලේ
රන් අරුණලු විසිරුවමින් අලුයම හිරු පායන විට
කන්ද උඩින් හෙමින් සැරේ හිරු එබිකම් කරනා විට
ලා හිරු රැස් දුවගෙන විත් මල් ගොමුවට වැටෙනා විට
සුවඳ විදා සතර අතේ ඒ හැම මල් පිබිදෙනවා
ඔබෙ හද තුළ දැල්වී ඇති ආදරයේ රන් පහනේ
රන්වන් ආදරේ කිරණ විසිරී පැතිරී යන විට
හිරු එළියේ මානෙල් මෙන් මගෙ හදවත නැමැති පියුම
පිබිදෙනවා, පිබිදෙනවා ආදරයෙන් මත් වෙනවා
රසික සූරියආරච්චි, 2020
මේ පදමාලාවට තනුවක් සහ සංගීතය යොදා ගායනා කිරීමට කැමති ගායකයෙකු/ගායිකාවක හෝ එසේ සැකසීමට කැමති සංගීතඥයෙකු සිටී නම් කරුණාකර මට පණිවිඩයක් එවන්න. ස්තුතියි.
rasika.suriyaarachchi@gmail.com
Image by Pexels from Pixabay
No comments:
Post a Comment
ඔබේ ප්‍රතිචාරය අගේ කොට සළකමි!