තුනී මීදුම් සළු ඉරාගෙන ඔබ වෙතට එන්නම්
ඔබෙ මුහුණ සිප ගන්නම්
පාට පාටින් සුපිපිලා ඇති නොයෙක් මල් අතරින්
සුවඳ උකහා ඔබේ නැහැයට මිහිර ගෙන එන්නම්
ඔබෙ මුහුණ සිප ගන්නම්
එකට එක් වී තුඩට තුඩ දී රහසෙ ගී ගයමින්
දුවන පනිනා කුරුල්ලන් ගැන ඔබට පවසන්නම්
ඔබෙ මුහුණ සිප ගන්නම්
පිපාසාවෙන් වේලිලා ගිය ජීවිතය මාගේ
ආදරේ දියරෙන් තෙමන්නැයි ඔබෙන් ඉල්ලන්නම්
ඔබෙ මුහුණ සිප ගන්නම්
රසික සූරියආරච්චි, 2020
මේ පදමාලාවට තනුවක් සහ සංගිතය යෙදා ගායනා කිරීමට කැමති ගායකයෙකු/ගායිකාවක හෝ එසේ සැකසීමට කැමති සංගීතඥයෙකු සිටී නම් කරුණාකර මට පණිවිඩයක් එවන්න. ස්තුතියි.
rasika.suriyaarachchi@gmail.com
Image by Gerhard G. from Pixabay
No comments:
Post a Comment
ඔබේ ප්‍රතිචාරය අගේ කොට සළකමි!