තුෂාරයක් වෙන්න එපා
සුදු මල් ඇති රෝස ගසක
විස කටුවක් වෙන්න එපා
අහසෙ ඈත කොණකට වුණු
තනි තරුවක් වෙන්න එපා
කුමාරියේ කිසි කෙනෙකුගෙ
හිතට දුකක් දෙන්න එපා
අනන්තයට විහිදී ඇති
මහ සයුරක් වෙන්න එපා
මඩින් පිරුණු විලක පිපිණු
නෙළුම් මලක් වෙන්න එපා
බෙල්ලෙකු ගේ කටු අතරේ
මුතු කැටයක් වෙන්න එපා
කුමාරියේ කිසි කෙනෙකුගෙ
හිතට දුකක් දෙන්න එපා
යොවුන් සිතක නැවුම් හැඟුම්
නොතකන සේ ඉන්න එපා
ඔබ වෙත යොමුවෙන දෙනෙතට
රත් යවුලක් වෙන්න එපා
ඔබ වෙනුවෙන් ගැයෙනා ගී
වලකන්නට හදනු එපා
කුමාරියේ කිසි කෙනෙකුගෙ
හිතට දුකක් දෙන්න එපා
රසික සූරියආරච්චි, 2020
මේ පදමාලාවට තනුවක් සහ සංගිතය යෙදා ගායනා කිරීමට කැමති ගායකයෙකු/ගායිකාවක හෝ එසේ සැකසීමට කැමති සංගීතඥයෙකු සිටී නම් කරුණාකර මට පණිවිඩයක් එවන්න. ස්තුතියි.
rasika.suriyaarachchi@gmail.com
Image by Adina Voicu from Pixabay
No comments:
Post a Comment
ඔබේ ප්‍රතිචාරය අගේ කොට සළකමි!