රවා බැලුවා විනා
ඔබෙ සිනාවක් කිසි දිනේ
දුටුව බව මතකේ නැතේ
අද උදේ නොම සිතු ලෙසින් පෙර අපේ නෙත් සර හමුවුණා
ඒ වෙලේ ඔබ මුව මතින් මුදු සිනා කැකුළක් පීදුණා
සිත වශී කළ කිරි පබලුවන් ඔබෙ දසන් පෙළ දිස්වුණා
පෙර නොවිඳි හැඟුමින් පිරීගොස් මගේ සිත ගත ගල්වුණා
හෙට දිනේදිත් මගේ දෙනෙතට සොඳුරු ඔබෙ රුව පෙනේ දෝ
අද දුටුව ඒ මියුරු කෝමල සිනා මල් වැසි වසී දෝ
අඳුරු මා ලොව එළිය කරවන සුමුදු සඳ ඔබ නොවේ දෝ
දිනක ඔබ සිසිලස විඳින්නට වරම මා වෙත ලැබේ දෝ
රසික සූරියආරච්චි, 2020
මේ පදමාලාවට තනුවක් සහ සංගිතය යෙදා ගායනා කිරීමට කැමති ගායකයෙකු/ගායිකාවක හෝ එසේ සැකසීමට කැමති සංගීතඥයෙකු සිටී නම් කරුණාකර මට පණිවිඩයක් එවන්න. ස්තුතියි.
rasika.suriyaarachchi@gmail.com
Image by Mariana Anatoneag from Pixabay
No comments:
Post a Comment
ඔබේ ප්‍රතිචාරය අගේ කොට සළකමි!