කහ රෝස ගස පුරා මල් පිපී නැළවෙතේ
සීත සුළඟක් හමයි විඩාව ද දුරුවෙතේ
වසන්තය එළැඹෙතේ, වසන්තය එළැඹෙතේ
සිසිරයේ සීතලේ නිදා සිටි හදවතේ
නැවුම් පැතුමක සිසිල ඉතිරිලා පැතිරෙතේ
සතුට සොම්නස මිහිර බැලු බැලූ හැම අතේ
වසන්තය එළැඹෙතේ, වසන්තය එළැඹෙතේ
ඇගේ රුව යළිත් මා දකින දින ළංවෙතේ
සිතේ එක් කෙළවරක පෙම් කවක් පබැඳෙතේ
නොදැනීම තනු බැඳී ගීතයක් ඉපදෙතේ
වසන්තය එළැඹෙතේ, වසන්තය එළැඹෙතේ
රසික සූරියආරච්චි, 2020
මේ පදමාලාවට තනුවක් සහ සංගීතය යොදා ගායනා කිරීමට කැමති ගායකයෙකු/ගායිකාවක හෝ එසේ සැකසීමට කැමති සංගීතඥයෙකු සිටී නම් කරුණාකර මට පණිවිඩයක් එවන්න. ස්තුතියි.
rasika.suriyaarachchi@gmail.com
Image by Adina Voicu from Pixabay
No comments:
Post a Comment
ඔබේ ප්‍රතිචාරය අගේ කොට සළකමි!